АРТЫШ-ШААНАК-БИЛЕ чүстерни эмнээри.
Авазынның чүстерин эмнээниниң дугайында сактыышкынны бижидим.
...." Мээң авам кончуг эрестиг, шимченгир кижи чораан. Ол аарып турарын-даа көңгүс чугаалавас, аарып турза-даа билдиртпес дээш кызар турганын эскерип турган мен.
Чооку үеде ооң чүстери аарып эгелээнин эскерип каан мен. Ол боду, чүстери аарып чоруурун, бистерни дүвүретпес дээн бодалы-биле чугаалаваан. Ынчалза-даа, авамның шимченип турарындан, дискектери аарып турар байдалын эскерип каан мен. Ооң дискектери, мооң мурнунда мээңинии ышкаш борбак болгаш хоюг, көөрге-даа аянныг турган. Ам ооң дискектерин көрүптеримге, сөөк кылдыр уштунуп келген, дөстек-дастак коргунчуу кончуг болган. Ону эскерип, көрүп кааш, "дискектериң аарывайн тур бе?"- деп авамдан айтырдым. А ол чажыртынып, үр ыытавайн олурза-даа, чүстери аарып турарын чугаалады. Оон эгелээш-ле дискектерни эмнедип алыры-биле эмчилеп эгелээн бис. Кызып-ла турган бис, ындыг-даа болза, кыраан назын-биле канчаар-даа маргыжып шыдавас болур. Ындыг байдалдан мээң чөгелим төнүп, эмчилээрин-даа соксааш, өске аргалар дилеп эгелээн мен. Ол-ла диленип чоруп тургаш, улусчу эмнээшкиннер талазы-биле эмненип чоруур кырганга чедирип келген.
Кырган аваның айтып берген рецептизи:
-— лавр бүрүзүн 6 чарган кезиин алыр. ( чижээ: 20 грамм хаптыг лавр бүрүлерин 20/6 депкеш, ооң кезиин ап алыр(
— артышты бир чөкпүр будуктуң ине бүрүлерин алыр.
-— " сливочное масло". Инектен сүттү саггаш кылыры ышкаш " натуральный" болур болза эки.
Мону шуптузун блентерге тыртып алыр. Мазь апаарынга чедир. Мазьты дискектерге чаар. Мээң авамның дискектери 2 неделя эрткенде аарыыры читкен. Дискектеринде борбак черлери безин хевир кирип, өңгүр апарган.
Ынчангаш, бүгү улуг назылыгларга бо черле ажыктыг болур деп билгеш, мону бижидим...."
Материалды бижээн, "Амыдыралчы көрүш" бөлүүнүң бижикчизи, Ая Успун.
Май, 2021 чыл.
